पहाड़क जनजीवन समाई छु बंजारा ज्यूक बणाई चित्रों में : नवीन वर्मा ‘बंजारा’ ज्यूक बणाई कुछ अमर चित्र
‘बंजारा’ नामल जाणी जाणी नवीन वर्मा चंपावत जिल्लक गुमदेश पट्टीक बिंडा ( डांग ) गौंक मूल निवासी छी । उनर जनम २ अगस्त १९४५ हुं भौछ। उनरि इजक नौं रेवती देवी व बौज्यूक दुर्गालाल वर्मा छी। अल्माड़ शहरक अल्मोड़ा इंटर कौलेज अल्मोड़ा में ऊं कला अध्यापक रईं। बंजारा ज्यू चित्रकार , मूर्तिकारै ना बल्कि कवि, लेखक लै छी। उनूल नाटक लै लेखि रीं। अल्माड़ नगर बै निकवणी ‘हिलाँस’ साप्ताहिक में उनूल कुछ टैम तक ‘दरबारे आम’ नामल एक स्तंभ लै लेखौ । बंजारा ज्यू भित्तीचित्र व मूर्तिकलाक लै कलाकार छी । १३ अप्रैल २०२० हुं अल्माड़ में बंजारा ज्यूक निधन हैगो । बंजारा ज्यूक बणाई कुछ चित्र यों छन - बंजारा ज्यू द्वारा बणाई स्वामी विवेकानंद ज्यूकि य आदिम कद मूर्ति अल्मोड़ा इंटर कौलेज में छ। • ( यों सबै चित्र अल्मोड़ा रौणी अजेयमित्र बिष्ट ज्यू द्वारा प्राप्त भई) ...
