पहरू कुमाउनी पत्रिका मई २०२० अंक में छपी कुमाउनी रचनाकार
पहरू कुमाउनी भाषाक महैनवार छपणी पत्रिका छु। य एक पत्रिका ई ना बल्कि एक मुहिम लै छु हमरि दुदबोलि कुमाउनी भाषा व संस्कृति कैं बचूणकि और उकैं अघिल बढूणकि। हमरि कुमाऊँ अंचलकि भाषा हमरि दुदबोलि कुमाउनीक बिकासै लिजी ११ सालों बटी पहरू पत्रिका कुमाउनी भाषाक सेवा में वीक साहित्यक भकार भरण में लागि रै। कुमाउनी भाषा में कुमाउनी भाषा प्रेमी व लेखकोंक कठिण मिहनतल आज साहित्यकि हर विधा में रचना हुण रई, दिन पर दिन हमरि कुमाउनी भाषा तरक्की करनै। आजक दौर में हमूकैं हिंदी, अंग्रेजी भाषा सिखण लै जरूरी छन मगर जो हमरि दुदबोलि व पछ्याण छु- कुमाउनी भाषा, वीक लै हिफाजत दगाड़-दगाड़ै करण चैं। इकैं हमूल आपण कर्तव्य समझि बेर आपण पछ्याण कैं ज्यून धरण में योगदान दिण चैंछ।
२००८ बटी य पत्रिका कुमाउनी भाषाक बिकास में समर्पित छु जमें कुमाउनी में कविता, वंदना ,कहानी, लेख, निबंध, व्यंग्य, नानिकाथ, उपन्यास अंश, अनुवाद, यात्रा वृतांत, कुमाउनी बाल संसार साहित्य, बातचीत, समाचार, समेत कई विधाओं में रचनाएं छपनी । पहरू उत्तराखंडै ना बल्कि देश भर में जां-जां कुमाउनी समाज छु वां तक डाक ब्यवस्ताक माध्यमल पुजैं ।
( पहरू मई २०२० अंक मुखपृष्ठ जमें नामी चित्रकार व मूर्तिकार नवीन वर्मा बंजारा द्वारा बणाई चित्रों कैं ल्हि रौ ) -
पहरू मई २०२० अंक में छपी लेखवारोंक नौं व रचनाओं नौं य प्रकार छु-
पहरू क अघिल अंक (जून २०२०) कुमाउनी साहित्यकार व कवि मथुरादत्त मठपाल ज्यू पर छु -
अगर आपूं लै कुमाउनी भाषा में कविता, गीत, लेख लेखछा तो आपुण रचना निशुल्क छपणै लिजी भेजि बेर कुमाउनी भाषा विकास क य मुहिम में शामिल है सकछा। रचना संपादक क नाम पर य पत्त पर डाक द्वारा भेजि सकछा।
संपादक
पहरू कुमाउनी पत्रिका
संपादकीय कार्यालय - इंद्र सदन सुनारीनौला, अल्मोड़ा
पिन-263601
या
ई- मेल लै कर सकछा-
pahru.uttarakhand@gmail.com
अगर आपूं आजी तक य कुमाउनी भाषा बिकासक य मुहिम में शामिल न्हैंता तो पहरू सदस्य बणि बेर शामिल है सकछा । जानकारी तलि य प्रकार छु -
टिप्पणियाँ