कुमाउनी भाषा में इस वर्ष की आठ लेखन पुरस्कार योजनाएं
कुमाउनी भाषा, साहित्य एवं संस्कृति प्रचार समिति कसारदेवी, अल्मोड़ा व ‘पहरू’ कुमाउनी महैनवार पत्रिका द्वारा साल 2010 बटी कुमाउनी भाषा में कुमाउनी साहित्य और भाषा बिकासै लिजी साहित्यकि तमाम बिधाओं में लेखन पुरस्कार योजना चलाई जानई। य लेखन योजनाओंल कुमाउनी में साहित्यकि नई गङ बगै। जां एक तरफ कुमाउनी साहित्य में नई नई बिधाओं में कुमाउनी साहित्य लेखी जै सकौ, तो वांई कुमाउनी में लेखण-पढ़नक लै रिवाज बढ़ौ। नई लेखार लै सामणि आई और कुमाउनी में उरातार साहित्यक बिकास हुनै गो। कुमाउनी में गद्य और पद्य में आज जाधेतर साहित्य य लेखन योजनाओंकि लै उपज छु। य लेखन योजनाओंक बदौलतक कुमाउनीक कयेक लेखारोंल साहित्यक नई बिधाओं में कलम उठा।
य साल (2023) में लै हौर सालोंक चारि कुमाउनी में समिति व ‘पहरू’ पत्रिका द्वारा 08 लेखन योजना चलाई जानई। ऊं आठ पुरस्कार योजना य परकार छन-
1. सरस्वती भट्ट स्मृति बाल नाटक लेखन पुरस्कार योजना
श्री देवकीनंदन भट्ट ‘मयंक’ से.नि. सीनियर इंस्पेक्टर (टैक्नीकल) सीमा सुरक्षा बल, निवासी-तीन पानी हल्द्वानी द्वारा आपणि इजकि याद में दिई आर्थिक मधतल कुमाउनी भाषा में बालोपयोगी नाटक लेखन कैं बढ़ावा दिनै लिजी ‘सरस्वती भट्ट स्मृति बाल नाटक लेखन पुरस्कार योजना’ चलाई जनै। यो योजना में क्वे लै उमराक लेखार भाग ल्ही सकनी। बाल नाटक अणछपी एवं मौलिक हुण चैं। रचना में शुरू या आंखिर में कांई लै आपण नाम झन लेखिया। रचना भेजन बखत जो चिट्ठी भेजला, उमें आपण नाम और रचनाक शीर्षक लेखि दिया। बाल नाटक 30 सितंबर 2023 तक पुज जाण चैं। प्राप्त रचनाओं बटी निर्णायक मंडल द्वारा तीन रचनाओं कैं छांटी जा्ल और उनर लेखारों कैं पुरस्कृत करी जा्ल और बाल नाटकों कैं ‘पहरू’ में छापी जा्ल।
2. खीम सिंह ऐठाणी स्मृति कुमाउनी बाल कविता लेखन पुरस्कार योजना
श्री लक्ष्मण सिंह ऐठाणी, से.नि. जिला बेसिक शिक्षा अधिकारी, रैथमी- ग्रा.-भानी (भराड़ी), जि.-बागेश्वर, हाल-मल्ला चैसार, अल्मोड़ा द्वारा आपण बौज्यूकि याद में दिई आर्थिक मधतल कुमाउनी भाषा में बालोपयोगी कविता लेखन कें बढ़ावा दिणै लिजी ‘खीम सिंह ऐठाणी स्मृति कुमाउनी बाल कविता लेखन पुरस्कार योजना’ चलाई जनै। यो योजना में क्वे लै उमराक लेखार भाग ल्ही सकनी। बाल कविता मौलिक और अणछपी हुण चैनी। कविताओं में शुरू या आंखिर में कैं लै आपण नाम झन लेखिया। कविता भेजण बखत दगाड़ में जो चिट्ठी भेजला उमें आपण नौं और कविता शीर्षक लेखि दिया। पुरस्कार योजना में 05 बाल कविता 30 सितंबर 2023 तक भेजण छन। प्राप्त रचनाओं बटी निर्णायक मंडल द्वारा तीन रचनाओं कैं छांटी जा्ल और उनर लेखारों कैं पुरस्कृत करी जा्ल और बाल नाटकों कैं ‘पहरू’ में छापी जा्ल।
3. बहादुर सिंह खनी स्मृति रिपोर्ताज लेखन पुरस्कार योजना
श्री खुशालसिंह खनी, से.नि. शिक्षक, ग्राम नैनी, जागेश्वर, जिला अल्मोड़ा द्वारा दिई आर्थिक मधतल कुमाउनी भाषा में रिपोर्ताज लेखन कें बढ़ावा दिनै लिजी ‘बहादुर सिंह खनी स्मृति रिपोर्ताज लेखन पुरस्कार योजना’ उरयाई जनै। यो लेखन योजना में क्वे लै उमराक लेखार भाग ल्ही सकनी। रिपोर्ताज मौलिक एवं अणछपी हुण चैं। रिपोर्ताज में शुरू या आंखिर में कांई लै आपण नाम झन लेखिया। रिपोर्ताज भेजण बखत दगाड़ में जो चिट्ठी भेजला उमें आपण रचना शीर्षक व आपुण नाम लेखि दिया। पुरस्कार योजना में एक रिपोर्ताज रचना 30 सितंबर 2023 तक पुज जा्ण चैं। प्राप्त रिपोर्ताज रचनाओं बटी निर्णायक मंडल द्वारा तीन छांट रचनाओं कें छांटी जाल और उन रिपोर्ताज लेखारों कें एक समारोह में पुरस्कृत करी जा्ल और रिपोर्ताज ‘पहरू’ में छापी जा्ल।
4. अरूण कुमार भट्ट स्मृति शब्दचित्र लेखन पुरस्कार योजना
‘कलावती साहित्य पुरस्कार ट्रस्ट’ अल्मोड़ा द्वारा दिई मधतल कुमाउनी भाषा में शब्दचित्र बिधा में लेखन कें बढ़ावा दिनै लिजी ‘अरूण कुमार भट्ट स्मृति शब्दचित्र लेखन पुरस्कार योजना’ चलाई जनै। यो लेखन योजना में क्वे लै उमराक लेखार भाग ल्ही सकनी। शब्दचित्र रचना अणछपी व मौलिक हुण चैं। रचना में शुरू या आंखिर में कांई लै आपण नाम झन लेखिया। रचना भेजन बखत जो चिट्ठी भेजला, उमें रचनाक शीर्षक व आपुण नाम लेखि दिया। शब्दचित्र रचना 30 सितंबर 2023 तक पुज जाण चैं। प्राप्त शब्दचित्र रचनाओं बटी निर्णायक मंडल द्वारा तीन छांट रचनाओं कैं छांटी जा्ल और उन लेखारों कैं समारोह में पुरस्कृत करी जा्ल तथा रचनाओं कैं ‘पहरू’ में छापी जा्ल।
5. इन्द्रसिंह रावत स्मृति कुमाउनी बाल कहानी पुरस्कार योजना
‘इन्द्रसिंह/आन सिंह सार्वजनिक न्यास’ झालडुंगरा (अल्मोड़ा) द्वारा दिई मधतल कुमाउनी भाषा में बालोपयोगी कहानी लेखन कैं बढ़ावा दिणै लिजी ‘इन्द्र सिंह रावत स्मृति कुमाउनी बाल कहानी लेखन पुरस्कार योजना’ आयोजित करी जनै। यो योजना में क्वे लै उमराक लेखार भाग ल्ही सकनी। बाल कहानी मौलिक एवं अणछपी हुण चैं। रचना में शुरू या आंखिर में कैं लै आपण नाम झन लेखिया। रचना भेजण बखत जो चिट्ठी भेजला उमें रचना शीर्षक व आपण नाम लेखि दिया। बाल कहानि 31 अगस्त 2023 तक पुज जाण चैं। मिली कहानियों बटी निर्णायक मंडल द्वारा तीन छांट कहानियो कैं छांटी जा्ल और उनार रचनाकारों कैं समारोह में पुरस्कृत करी जा्ल और रचनाओं कैं ‘पहरू’ में छापी जा्ल।
6.
तारा जोशी स्मृति लेखन पुरस्कार योजना
ब्रिगेडियर (से.नि.) धीरेश कुमार जोशी, निवासी- पीली कोठी, हल्द्वानी द्वारा आपणि इज (स्व. तारा जोशी, शिक्षिका) याद में दिई आर्थिक मधतल कुमाउनी भाषा में नानतिनोंक लेखन कैं बढ़ावा दिणै लिजी ‘तारा जोशी स्मृति लेखन पुरस्कार योजना’ चलाई जनै। यो योजना में अठार साल है कम उमराक नाननित भाग ल्ही सकनी। यो लेखन योजना में क्वे लै सामाजिक बिषय पर लेख, कहानि, निबंध, नाटक, यात्रा वृतांत, संस्मरण, कविता (05) लेखी जै सकनी। रचना अणछपी और मौलिक हुण चैं। रचना में शुरू या आंखिर में कांई लै आपण नाम झन लेखिया। रचना भेजन बखत जो चिट्ठी भेजला, उमें आपण नाम, पत्त, मोबाइल नंबर और रचनाक शीर्षक लेखि दिया, दगाड़ में जन्म प्रमाण पत्र लै भेजिया। रचना 30 सितंबर 2023 तक पुज जाण चैनी। प्राप्त रचनाओं बटी निर्णायक मंडल द्वारा भलि रचनाओं कैं छांटी जा्ल और उनर लेखारों कैं पुरस्कृत करी जा्ल और रचनाओं कैं ‘पहरू’ में छापी जा्ल।
7. शंकर लाल साह स्मृति कुमाउनी निबंध लेखन पुरस्कार योजना
श्रीमती चन्द्र प्रभा साह, अल्मोड़ा द्वारा आपुण घरवावै याद में दिई आर्थिक मधतल कुमाउनी भाषा में निबंध लेखन कें बढ़ावा दिनै लिजी ‘शंकर लाल साह स्मृति कुमाउनी निबंध लेखन पुरस्कार योजना’ उरयाई जनै। बैज्ञानिक, साहित्यिक, सांस्कृतिक, राज्य, देश व बिश्व स्तरीय ज्वलंत समस्याओं आदि बिषयों बै क्वे एक बिषय पर निबंध लेखन
छ। यो लेखन योजना में क्वे लै उमराक लेखार भाग ल्ही सकनी। हरेक प्रतिभागी कैं एक निबंध भेजन छ। निबंध मौलिक एवं अणछपी हुण चैं। रचना में शुरू या आंखिर में कांई लै आपुण नाम झन लेखिया। रचना भेजन बखत जो चिट्ठी भेजला, उमें रचनाक व आपुण नाम लेखि दिया। निबंध 30 सितंबर 2023 तक पुज जाण चैं। प्राप्त निबंधों बटी निर्णायक मंडल द्वारा तीन छांट निबंधों कैं छांटी जा्ल और उनार लेखारों कैं समारोह में पुरस्कृत करी जा्ल और निबंधों कैं ‘पहरू’ में छापी जा्ल।
8. भारतेन्दु निर्मल जोशी स्मृति कुमाउनी समालोचना लेखन पुरस्कार योजना
श्री जगदीश जोशी, से.नि. शिक्षक, भगवानपुर जयसिंह, हल्द्वानी द्वारा दिई मधतल कुमाउनी भाषा में ‘समालोचना’ बिधा में लेखन कें बढ़ावा दिनै लिजी ‘भारतेन्दु निर्मल जोशी स्मृति कुमाउनी समालोचना लेखन पुरस्कार योजना’ उरयाई जनै। यो योजना में क्वे लै भाग ल्ही सकनी, उमरक के प्रतिबंध न्हां। समालोचनात्मक लेख मौलिक एवं अणछपी हुण चैं। रचना में शुरू या आंखिर में कांई लै आपुण नाम झन लेखिया। रचना भेजन बखत जो चिट्ठी भेजला, उमें रचना शीर्षक व आपुण नाम लेखि दिया। समालोचना आलेख 30 सितंबर 2023 तक पुज जाण चैं। प्राप्त लेखों बटी निर्णायक मंडल द्वारा तीन छांट रचनाओं कैं छांटी जा्ल और उन रचनाकारों कैं समारोह में पुरस्कृत करी जा्ल और रचनाओं कैं ‘पहरू’ में छापी जा्ल।
● रचना य पत्त पर भेजण छन-
संपादक
‘पहरू’
इंद्रसदन, सुनारीनौला, अल्मोड़ा-263601
उत्तराखंड
●
ईमेल- pahru.uttarakhand@gmail.com
लेखन योजनाओं बै जुड़ी सकर जानकारी लिजी 'पहरू' वटसप व मुबाइल नंबर पर संपर्क करी जै सकीं- 9412924897
●
नियम व शर्त लागू छन।
टिप्पणियाँ