मंजू आर साह ज्यूक ‘पिरूल आर्ट’

-



 हमर पहाड़ पुरा्ण जमान बटी हुनरक मामिल में सेठ रई छु, हुनरमंदोंकि यां कभै क्वे लै क्षेत्र में कमी नि रइ। हस्तशिल्प क्षेत्र में यसै एक नाम छु मंजू आर साह। ऊं सव (चीड़) क बोटक ‘पिरूल’ कैं ल्हिबेर कलाकारी करनी। कलाकार तो ऊं ऐपण व मेहंदीक लै छन पर पिरूल कलाकार रूप में समाज व देश में पछयाण छु। उनर पिरूलकि कलाकारी देख बेर अचंभ हुंछ कि पिरूलल इदुक शानदार कालाकरी करी जै सकी कै? Pirool art by Manju R Sah . 



पिरूल आर्ट पर काम करणै लिजी उनूकैं सम्मान लै मिल रई। पिरूल आर्ट पर उनूल कार्यशाला, आॅनलाइन ट्रेनिंग लै दिई छन। पिरूल आर्ट दगडै़ ऊं ऐपण कला इस्कूली नानू व पहाड़ाक स्यैणियों कैं सिखूनी, दगड़ै पिरूल आर्ट कैं रूजगारक रूप में लै बदलनई। 

उनर जनम 09 अगस्त 1984 हुं बागेश्वर जिल्लक असों (कपकोट) गौं में भौ। नानछना बै उनर मन कला और रचनात्मक कामों में लागछी। पिरूल आर्ट बणूणकि सीप उनूल आपणि कैंजै चेलि बटी सिखौ। आपण कलाक श्रेय ऊं आपण परवार, रिश्तदार और गुरूओं कैं दिनी। करीब आठ-दस सालों बटी ऊं कलाक क्षेत्र में छा्व छन। ‘पिरूल आर्ट’ में पछयाण दिलूनक श्रेय ऊं हल्द्वाणि निवासी शिक्षक गौरीशंकर कांडपाल जो ‘ग्लो क्लीन, ग्लो ग्रीन’ अभियान में जुट रई उनूकैं दिनी, पिरूल आर्ट कैं बणाते रूणक लिजी उनूल उकसा।



अल्मोड़ा जिल्ल में द्वाराहाट रौणी मंजू आर साह राजकीय बालिका इंटर काॅलेज ताड़ीखेत में प्रयोगशाला सहायक पद में सेवा में छन। ‘पिरूल’ल ऊं जेवर - टाॅप्स, झुमका, अंगूठी आदि बणूनी यैक अलावा पैन स्टैंड, डोरमैट, डाईनिंग मैट, फूलदान, हैट, आसन समेत कई सजावटक उत्पाद बणूनी। उनर पिरूल आर्ट में सुकी पिरूलक इस्तमाल हुंछ।‘पिरूल’ उत्पादोंक उनूकैं कई डिमांड लै आते रूनी। पिरूल हस्तशिल्पक अलावा ऊं ऐपण कला में लै माहिर छन, ऊं आपणि नण्द (ननद) मेघा साह दगाड़ ऐपण कला बणूनी। य सब कामों लिजी ऊं इस्कूली टैमक अलावा अलग से टैम निकालनी। आपण इस्कूली नानतिनों व गौं-घरोंक स्यैणियों कैं लै पिरूल व ऐपण कला सिखूनी। पिरूल आर्ट में उनूकैं बर्ष सितंबर 2019 में कोलकाता में ‘इंडिया इंटरनेशनल साइंस फेस्टिवल में ‘बेस्ट अपकमिंग आर्टिस्ट पुरस्कार’,  इस्कूल में इस्कूली चेलियों लिजी भल कामक लिजी बर्ष 2019 में श्री अरविंदो सोसाइटी द्वारा ‘टीचर इनोवेशन अवार्ड’ मिल रई।
    आॅनलाईन कार्यक्रमन व कार्यशालाओं में उनूल पिरूल आर्ट व ऐपण आर्ट कें ल्हिबेर भाग लै ल्हे, जनूमें ‘हिलमेल टीवी’ तरफ बटी जुलाई 2020 में रोजगार बै जुड़ी कार्यक्रम, अगस्त 2020 में डी.डब्ल्यू.डी. काॅलेज देहरादूनक आॅनलाइन कार्यशाला, ‘ध्येय’ संगठनै तरफ बटी अगस्त 2020 में आॅनलाइन कार्यक्रम खास छन। पिरूल, ऐपण आर्ट अलावा ईऊं अखबार द्वारा लै सुंदर ढङल कलाकारी करनी और सजावटक समान बणूनी। मेहंदी कला, बागवानी लै उना्र खास शौक छन।
पिरूल हस्तशिल्प क्षेत्र में अघिल हुं ऊं जरूरतमंद व गरीब स्यैणियों कैं ल्हिबेर रोजगार दगै जोड़न चानी।
० उनर संदेश - 
 ऊं कलाकारक रूप में समाज कैं कूनी कि अगर हमर भितेर प्रतिभा, सीप, सहुर छु तो मिहनत व लगनल पहाड़ में लै भल काम करी जै सकीं। 
(‘पहरू’ कुमाउनी पत्रिका, जनवरी २०२१ अंक बै साभार )
•••


• मंजू आर साह ज्यूक पिरूल द्वारा बणाई उत्पाद-
•


•


•


•


•

•


•••

                         
                                                                    -ललित तुलेरा 
मो.-  7055574602
ईमेल - tulera.lalit@gmail.com 



टिप्पणियाँ

एक टिप्पणी भेजें

लोकप्रिय पोस्ट

कुमाउनी जनगीत : उत्तराखंड मेरी मातृभूमि , मातृभूमी मेरी पितृभूमि

-
चित्र
उत्तराखंड मेरी मातृभूमि        ओ भूमी !  तेरी जय-जय कारा म्यार हिमाला ।        कुमाउनी जनमानस में य गीत भौत फेमस छु । उत्तराखंड़क कई इस्कूलों में य प्रार्थना सभा में गाई जां। कुमाउनी प्राथमिक पाठ्यक्रम में लै य गीत कैं शामिल करि रौ ।  गीत य प्रकार छु -     य गीतक लेखक प्रसिद्ध कुमाउनी कवि, नाटककार, जनांदोलनकारी, गिरीश तिवारी ‘गिर्दा’ छन । उनर जनम ०९ सितंबर १९४५ हुं ज्योली, हवलबाग (अल्मोड़ा) में भौछ । २२ अगस्त २०१० हूं ऊं गुजर गई । य गीतक अलावा उनूल  • ततुक नी लगा उदेख घुनन मुनइ नी टेक ओ जैंता एक दिन तो           आलो ,   • आज हिमाल तुमन कैं धत्यूं छौ ,   • हम ओड़ बारूड़ि  ल्वार कुल्ली कभाड़ि   समेत कई गीत लेखि रीं जो हमर समाज में भौत फेमस छन ।  यूट्यूब में य गीत UT Diaries चैनल में मौजूद छु जैक लिंक य प्रकार छु-                              उत्तराखंड मेरी म...
इकें सकर पढ़ो >>>

अमेरिका में भी उत्तराखंड की ‘ऐपण कला’ बनाती हैं डॉ. चन्दा पन्त त्रिवेदी

-
चित्र
      हजारों किलोमीटर का फासला हो, चाहे देश, काल, परिस्थितियां जो भी हों अपनी संस्कृति व परंपराओं से जुड़े रहना व उसे वहां दूर रहकर भी उसी रूप में अपनाना कोई  डॉ.   चन्दा पन्त त्रिवेदी   जी से सीखे।          यह रोचक और प्रेरणादायी कहानी है अमेरिका में रहने वाली उत्तराखंड (भारतीय) मूल की ऐपण कलाकार डॉ.   चन्दा पन्त त्रिवेदी की, जो उत्तराखंड की प्रसिद्ध लोक कला ऐपण को अमेरिका में रहकर भी बना रही हैं। उनका  ऐपण मोह ऐसा की वो खुद तो बनाती हैं ही मगर निस्वार्थ रूप से अपने यूट्यूब चैनल के जरिए ऐपण कला सिखाती भी हैं,  ऐपण कला को नए प्रतिमान देने के लिए ऐपण कलाकारों के बीच ऐपण प्रतियोगिता भी आयोजित करती हैं। वर्ष 2011 से उन्होंने फेसबुक पर भी ऐपण कला को पेश करना शुरू कर दिया था। क़रीब 16 साल की उम्र से उनका ऐपण कला के प्रति मोह हो चुका था। सोशल मीडिया में उन्होंने आज तक अपने आप को गुप्त रखा, अपनी पहचान ना ही साझा किया और ना ही किसी को बताया क्योंकि मकसद था निस्वार्थ भाव से ऐपण कला को जीवंत रखना और ऐपण कला का विकास ।...
इकें सकर पढ़ो >>>

बिहार की विश्वप्रसिद्ध ‘मधुबनी’ पेंटिंग के साथ उत्तराखंड की ‘ऐपण’ कला को नया आयाम दे रही हैं जया डौर्बी

-
चित्र
        भा रतकि चित्रकलाक कहानि शिलाचित्रों बै शुरू है बेर कंप्यूटर चित्रों तलक पुजि गे । य कतुक पुराणि छु यैक अंताज मोहनजोदड़ो, हड़प्पा, चन्हूदड़ो व लोथल आदि उत्खन्न में मिली वस्तुओं बै लगाई जै सकीं ।       भारतकि चित्रकलाक अजन्ता शैली, गुजराती शैली, पाल शैली, जैन शैली, अपभ्रंश शैली, राजस्थानी शैली, मुगल शैली, पहाड़ी शैली, पटना शैली, सिख शैली, दक्कन शैली, लोक शैली, मधुबनी शैली, आधुनिक शैली दुनी भर में भौत प्रसिद्ध छन ।          रवीन्द्रनाथ टैगोर ज्यू कुनी - " कला मानव की बाह्य वस्तुओं की अपेक्षा स्वानुभूती की अभिव्यक्ति है।"         पुराण जमा्न बटी आज तलक हमा्र लोक कलाकारोंलि भारतकि कला कैं सजूण सवारण व दुनी में प्रसिद्धी दिलूण में ठुल भूमिका निभै। आजकई हुनरमंद कलाकार भारतकि कला परंपरा कैं बरकरार धरी छन और नई प्रयोग लै करण रई जैल कलाक बिस्तार होते जां।             कलाक क्षेत्र में कुछ अलग व नई प्रयोग करण रई युवा लोककलाकार  जया डौर्बी । Aipan art by Jaya...
इकें सकर पढ़ो >>>

कुमाउनी शगुनआँखर गीत

-
चित्र
kumaunibhasa.blogspot.com  संकलन व लेख-  श्रीमती तारा पाठक, हल्द्वानी  (उत्तराखंड) मो.  +91 72484 60657 शगुनआँखर -            शगुनआँखर कुमाउनी समाज में शुभ काम-काजों में गाई जाणी मांगलिक गीतों / संस्कार गीतों कैं कुनी।  क्वे लै भल काम हुं त पैंली शकुनआँखर गाई जानी फिर जे काज भय वी हिसापैल तत्संबन्धी गीत। द्वि जनानी यो शकुनआँखर गानी, जनों में मुख्य गायिका  गिदार , सहगायिका   भगारि   कई जैं ।हमार कुमाऊं अंचल में संस्कार गीतों भौत महत्व छ । बालकक पैद हुंण बटी छयां दिन   छट्टी संस्कार (छट्टी केवल च्यालों कि मनाई जें)इग्यारों दिन   नामकर्म संस्कार   ,बाइसां दिन   बैसोल ,एक साल में जनमबार (पैंली जबान में चेलियों जनमबार नि मनाई जांछी)एसिकै और लै संस्कार भाय।        हमार आंचलिक गीतों में  संध्या गीत ,  नौल पूजन ,  आपदेव निमंत्रण,सूर्य दर्शन गीत ,  नामकरण गीत, विदाई गीत, बन्ना-बन्नी गीत, शय्या दान गीत, सुवास पथाई गीत , कन्यादान तैयारी गीत, बरया...
इकें सकर पढ़ो >>>

कुमाउनी भाषा में इस वर्ष की आठ लेखन पुरस्कार योजनाएं

-
चित्र
           कुमाउनी भाषा , साहित्य एवं संस्कृति प्रचार समिति   कसारदेवी , अल्मोड़ा व ‘ पहरू ’ कुमाउनी महैनवार पत्रिका द्वारा साल 2010 बटी कुमाउनी भाषा में कुमाउनी साहित्य और भाषा बिकासै लिजी साहित्यकि तमाम बिधाओं में लेखन पुरस्कार योजना चलाई जानई। य लेखन योजनाओंल कुमाउनी में साहित्यकि नई गङ बगै। जां एक तरफ कुमाउनी साहित्य में नई नई बिधाओं में कुमाउनी साहित्य लेखी जै सकौ , तो वांई कुमाउनी में लेखण - पढ़नक लै रिवाज बढ़ौ। नई लेखार लै सामणि आई और कुमाउनी में उरातार साहित्यक बिकास हुनै गो। कुमाउनी में गद्य और पद्य में आज जाधेतर साहित्य य लेखन योजनाओंकि लै उपज छु। य लेखन योजनाओंक बदौलतक कुमाउनीक कयेक लेखारोंल साहित्यक नई बिधाओं में कलम उठा।         य साल (2023) में लै हौर सालोंक चारि कुमाउनी में समिति व ‘ पहरू ’ पत्रिका द्वारा 08 लेखन योजना चलाई जानई। ऊं आठ पुरस्कार योजना य परकार ...
इकें सकर पढ़ो >>>

कुमाउनी भाषा में लेखी किताब और उना्र लेखक

-
चित्र
••• ललित तुलेरा मो.-7055574602           कुमाउनी भाषाक इतिहास भौत पुरा्ण छु। कुमाउनीक लिखित रूप ११०५-०६ ई. बटी शुरू मानी गो । भाषा विद्वानोंक मानण छु कि कुमाउनी संस्कृत अपभ्रंश परंपराकि बोलिक -भाषकि रूप में पैंलिये बै परचलन में छि । ११००-१७०० ईं. तलक कुमाउनी बोलचाल, पत्र-ब्यौहार, और अभिलेखोंक भाषा रै । चंद राजाओंक शासन में कुमाउनी कैं राजभाषा दर्ज मिलौ पर उ बखतकि कुमाउनी और आजकि कुमाउनी में काफी फरक देखिण में ऊं। कुमाउनी बोलि बटी आ्ब भाषाक दर्ज में पूजि गे किलैकि इमें आ्ब अथा साहित्य लेखि हालौ और साहित्यिक तमाम विधाओं में रचना लेखिण रीं ।      कुमाउनीक पैंल कवि लोकरत्न पंत ‘गुमानी'  कैं मानी जां , उनर जनम १७९० ई. में भौछ। कुमाउनी में पैंली सिर्फ कविता लेखी गईं फिर आस्ते-आस्ते चिट्ठी , लेख, कहानी , निबंध समेत आ्ब साहित्यकि तमाम बिधाओं में रचना लेखिणई ।                        कुमाउनी भाषा में ४०० है सकर लेखक ऐलक बखत में लेखणई । कुमाउनी भाषाक ताकतक अंदाज उमें लेखी क...
इकें सकर पढ़ो >>>

खसकुरा (पुरानी पहाड़ी) शब्दकोश : 'यूनेस्को' से सहायता प्राप्त कुमाउनी शब्दकोश

-
चित्र
ललित तुलेरा tulera.lalit@gmail.com            कु माउनी भाषा में पैंल शब्दकोश सन 1983 में ´ कुमाउनी हिंदी व्युत्पत्तिकोश´   रूप में सामणि ऐ¸ जैक कोशकार कुमाउनी भाषा बिद्वान डॉ. केशवदत्त रूवाली  (अल्मोड़ा) छी। वीक बाद साल 1985 में ' कुमाउनी हिंदी शब्दकोश' रूप में दुसरि शब्दोकोश देखिण में ऐ। य कोशक कोशकार कुमाउनी भाषाक मर्मज्ञ बिद्वान डॉ. नारायण दत्त पालीवाल ( अल्मोड़ा ) छी । यैक बाद कएक भाषा बिद्वानों द्वारा कुमाउनी शब्दकोशोंकि रचना करी गे।        इन शब्दकोशों में एक छु-  ´ खसकुरा (पुरानी पहाड़ी ) शब्दकोश ´ । य शब्दकोश कैं 'यूनेस्को' द्वारा मान्यता लै मिलै और वित्तीय मधत लै प्रदान करी गो। कुमाउनी भाषाकि य शब्दकोश कैं लेखक द्वारा खसकुरा शब्दकोश  नाम दिई गो।  खसकुरा-   विद्वानोंक मानण छु कि कुमाऊँ में पैंली ‘ खश’  जाति निवास करछी। यई तर्ज पर कोश में लेखक द्वारा  खसकुरा  शीर्षक पर जानकारी दिई गे कि पुर पर्वतीय अंचल में अफगानिस्तान बै चंपारण तिरहुत तक नैना देवीक क...
इकें सकर पढ़ो >>>

सुमित्रानंदन पंत ज्यूकि 1938 में छपी कुमाउनी कबिता ‘बुरूंश’

-
चित्र
जनम - 20 मई 1900, कौसानी ( अल्मोड़ा) मृत्यु -  28 दिसंबर 1977, प्रयागराज पुरस्कार - ज्ञानपीठ पुरस्कार, पद्म विभूषण ( • ‘ चिदम्बरा " रचनाक लिजी 1968 में ज्ञानपीठ पुरस्कार बै सम्मानित। • " कला और बूढ़ा चांद " क लिजी 1960 क साहित्य अकादमी पुरस्कार । यैक अलावा कई प्रतिष्ठित सम्मान और पुरस्कारों बै सम्मानित। )  उनरि आपणि मातृभाषा 'कुमाउनी' में लेखी कबिता ‘  बुरूंश  ’ य परकार छु -     बुरूंश   सार जंगल में त्विज क्वे न्हां रे क्वे न्हां  फुलन छै के बुरूंश जंगल जस जलि जां । सल्ल छ , द्यार छ , पई, अयांर छ  सबनाक  फाड.न  में पुड.नक  भार छ । पै त्वि में दिलैकि आग , त्वि में छ ज्वानिक फाग  रगन में नई ल्वै छ, प्यारक खुमार छ  सारि दुनी में मेरी सू ज क्वे न्हां  मेरि सू कैं रे त्योर फूल जै अत्ती भां  काफल कुसुम्यारु छ , आरु छ , आखोड़ छ  हिसालु , किलमोड़ छु, पिहल सुनुक तोड़ छ  पै त्वि में जीवन छ , मस्ती छ , पागलपन छ  फूलि बुंरुश ! त्योर जंगल में को जोड़ छ ? सार जंगल में त्विज क्वे न्हां रे क्वे न्हां...
इकें सकर पढ़ो >>>

दूर गौं में रूणी हेमा जोशी कि ऐपण कला

-
चित्र
    हमर कुमाउनी समाजकि अलग भाषा, संस्कृति छु। जैक आपुण अलग पछयाण छु। यांक लोक जीवन में लोककलाक कई रूप छन जो हम लोगों व संस्कृति प्रेमियोंक बदौलत बची हुई छन । हमर कुमूं (कुमाऊँ ) में ‘लोक कला’ क रूप हौर भारतीय लोक कला है बेर भौत अलग तो न्हैं लेकिन यांक लोक जीवन में कला शुभ कामों में भौत मायने धरैं। कुमाउनी लोक कला - मूर्ति कला, काष्ठ कला, धातु कला , चित्रकला समेत हौर कलाओं में बांटी हुई छु। चित्रकला में ऐपण कला खाश छु । हमर समाजक कई संस्था व संस्कृति प्रेमी आपण - आपण तरफ बटी ऐपण कलाक परंपरा व बिरासत बचूण में व वीक देश दुनी में प्रचार - प्रसार करण में जुटी हुई छन ।         यासै एक ऐपण कला प्रेमी छन बागेश्वर जिल्लक गरूड़ बलौक में सिमखेत (गुठयार) गौंक च्येलि  हेमा जोशी । घर में उनूकैं पिंकी नामल जाणनी। साल २०१६ बै उनूल ऐपण बणूण शुरू करौ। माकोट में उनूल आपणि मामि कैं ऐपण बणून देखौ और वां बै उनूकैं ऐपण बणूणकि सीख मिलै तथा ऐपण कलाक प्रति उनर ध्यान गो ।  घरों में ऊं शुभ काजों में लाल माटक लिपी खोई में ऐपण निकालनी और बुरूसक माध्यमल म्हाव (देइ) म...
इकें सकर पढ़ो >>>

‘मीनाकृति: द ऐपण प्रोजेक्ट’ द्वारा ऐपण कला कैं नईं पछयाण दिणै मीनाक्षी खाती

-
चित्र
         हमर कुमूं (कुमाऊँ ) में  ‘लोक कला’ क   कई रूप छन । कुमाउनी लोक कला - मूर्ति कला, काष्ठ कला, धातु कला , चित्रकला समेत हौर कलाओं में बांटी हुई छु। चित्रकला में  ऐपण भौत प्रसिद्ध   छु । जो शुभ काम-काजों में बणाई जानी। लाल मा्ट या गेरू द्वारा लिप बेर भिजाई चावों (चावल) पिसी जानी जकैं  बिस्वार कुनी । बिस्वारक घोल द्वारा लिपी हुई जाग में शुभ काम - काज ( ब्या- बरात या त्यार) क मौक पर ऐपण बनाई जानी ।   आ्ब मौडन जमानक हिसाब ऐपणक रूप में अंतर ऐगौ ।   लाल व सफेद रड. व बुरूशल ऐपण बनाई जाणई।   हमर समाजक कई संस्था व संस्कृति प्रेमी आपण - आपण तरफ बटी ऐपण कलाक परंपरा व बिरासत बचूण व वीक देश दुनी में प्रचार - प्रसार करण में जुटी हुई छन ।    के चीज कैं करणकि लालसा हो तो मन लगै बेर उ काम कैं बखूबी करी जै सकींछ । एक मोह  मीनाक्षी खाती  मन में लै उपजौ कुमाउनी संस्कृतिक लोक कला में फेमस ऐपण कला कैं ल्हि बेर । उ आपणि इज व आ्म कैं नानछना बै घरों पन शुभ कामों में ऐपण कला कैं बणाते हुए देखछी और अकलदार हुण पर वीक म...
इकें सकर पढ़ो >>>