कुमाउनी भाषा में लेखन पुरस्कार योजना 2021

        

            कुमाउनी भाषा, साहित्य एवं संस्कृति प्रचार समिति कसारदेवी, अल्मोड़ा व ‘पहरू’ कुमाउनी महैनवार पत्रिका द्वारा साल 2010 बटी कुमाउनी भाषा में कुमाउनी साहित्य और भाषा बिकासै लिजी साहित्यकि तमाम बिधाओं में लेखन पुरस्कार योजना चलाई जानई। य लेखन योजनाओंल कुमाउनी में साहित्यकि नई गङ बगै। जां एक तरफ कुमाउनी साहित्य में नई नई बिधाओं में कुमाउनी साहित्य लेखी जै सकौ। तो वांई कुमाउनी में लेखण-पढ़नक लै रिवाज बढ़ौ, नई लेखवार लै सामणि आई और कुमाउनी में उरातार साहित्यक बिकास हुनै गो। कुमाउनी में गद्य और पद्य में आज जाधेतर साहित्य य लेखन योजनाओंकि लै उपज छु। य लेखन योजनाओंक बदौलतक कुमाउनीक कयेक लेखवारोंल साहित्यक नई बिधाओं में कलम उठा। 
      य साल (2021ई.) में लै हौर सालोंक चारि कुमाउनी में समिति व ‘पहरू’ पत्रिका द्वारा 10 लेखन योजना चलाई जानई। जाणो कि-कि छन या पुरस्कार योजना-

01. अरूण कुमार भट्ट स्मृति संस्मरण लेखन पुरस्कार योजना

‘कलावती साहित्य पुरस्कार ट्रस्ट’ अल्मोड़ा द्वारा दिई मधतल कुमाउनी भाषा में ‘संस्मरण’ बिधा में लेखन कें बढ़ावा दिनै लिजी ‘अरूण कुमार भट्ट स्मृति संस्मरण लेखन पुरस्कार योजना’ चलाई जनै। यो लेखन योजना में क्वे लै उमराक लेखवार भाग ल्ही सकनी। संस्मरण रचना अणछपी व मौलिक हुण चैं। रचना में शुरू या आंखिर में कांई लै आपण नाम झन लेखिया। रचना भेजन बखत जो चिट्ठी भेजला, उमें रचनाक शीर्षक व आपुण नाम लेखि दिया। संस्मरण  रचना 30 सितंबर 2021 तक संपादक- ‘पहरू’ सुनारीनौला, अल्मोड़ा-263601 पत्त  पर  पुजि जा्ण चैं। प्राप्त संस्मरण रचनाओं बटी निर्णायक मंडल द्वारा तीन छांट रचनाओं कैं छांटी जा्ल और उन लेख्वारों कैं समारोह में पुरस्कृत करी जा्ल तथा रचनाओं कैं ‘पहरू’ में छापी जा्ल। ●●●

02. गोविन्द सिंह बिष्ट स्मृति लघु कथा लेखन पुरस्कार योजना

श्रीमती नीलम नेगी, से.नि. प्रधानाचार्य, मु. चौधरीखोला, अल्मोड़ा  द्वारा दिई मधतल कुमाउनी भाषा में ‘लघु कथा’ लेखन कें बढ़ावा दिनै लिजी ‘गोविन्द सिंह बिष्ट (पूर्व विधायक) स्मृति लघु कथा लेखन पुरस्कार योजना’ चलाई जनै। यो लेखन योजना में क्वे लै उमराक लेखवार भाग ल्ही सकनी। हरेक प्रतिभागी कैं तीन लघु कथा भेजन छन। लघु कथा मौलिक एवं अणछपी हुण चैनी। लघु कथा में शुरू या आंखिर में कांई लै आपुण नाम झन लेखिया। लघु कथा भेजन बखत जो चिट्ठी भेजला, उमें लघु कथा शीर्षक व आपुण नाम लेखि दिया। तीन लघु कथा तक संपादक- ‘पहरू’ सुनारीनौला अल्मोड़ा- 263601 पत्त पर 30 सितंबर 2021 तलक पुजि जा्ण चैनी। प्राप्त लघुकथाओं बटी निर्णायक मंडल द्वारा तीन छांट लघु कथा लेखवारों कैं छांटी जा्ल और उनूकैं समारोह में पुरस्कृत करी जा्ल तथा लघु कथा ‘पहरू’ में  छापी जा्ल।●●●

03. पुष्पलता जोशी स्मृति कहानी लेखन पुरस्कार योजना

श्री विपिन चन्द्र जोशी, से.नि. उप शिक्षा निदेशक, तल्ला जोशी खोला, अल्मोड़ा द्वारा दिई मधतल कुमाउनी भाषा में कहानी लेखन कैं बढ़ावौ दिनै लिजी ‘पुष्प लता जोशी स्मृति कहानी लेखन पुरस्कार योजना’ चलाई जनै। यो योजना में ऐतिहासिक (हिस्टोरिकल), अपराध (क्राइम), रहस्य (सस्पेंश), रोमांच (थ्रिलर), डरावनी (हाॅरर), जासूसी (डिटैक्टिव) आदि बटी क्वे एक बिषय वस्तु पर कहानि लेखन छ। यो लेखन योजना में क्वे लै उमराक लेखवार भाग ल्ही सकनी। हरेक प्रतिभागी कैं एक कहानि भेजन छ। कहानि मौलिक एवं अणछपी हुण चैं। कहानि में शुरू या आंखिर में कांई लै आपुण नाम झन लेखिया। कहानि भेजन बखत दगाड़ में जो चिट्ठी भेजला, उमें कहानिक शीर्षक व अपण नाम लेखि दिया। कहानि 30 सितंबर 2021 तक संपादक- ‘पहरू’ सुनारीनौला, अल्मोड़ा-263601 पत्त पर पुजि जा्ण चैं। प्राप्त कहानियों बटी निर्णायक मंडल द्वारा तीन छांट कहानियों कैं छांटी जा्ल और उन रचनाकारों कैं समारोह में पुरस्कृत करी जा्ल और उनरि कहानियों कैं ‘पहरू’ में छापी जा्ल। ●●●

04. शारदा साह स्मृति रोग-ब्याधि पर लेख लेखन पुरस्कार योजना

श्री नंद लाल साह से.नि. सूबेदार (विद्युत एवं यांत्रिक इंजीनियर) निवासी- थाना बाजार, अल्मोड़ा द्वारा आपणि घरवाई याद में दिई आर्थिक मधतल कुमाउनी भाषा में रोग-ब्याधि पर लेखन कें प्रोत्साहित करनै लिजी ‘शारदा साह स्मृति रोग-ब्याधि पर लेख लेखन पुरस्कार योजना’ चलाई जनै। समाज में पीलिया,टाईफाडड, निमोनिया, टीबी, कैंसर जास मौजूद तमाम बिमारियों-ददुर, दड़, अजार, घुंत जा्स बिमारियोंक घरेलू नाम व घरेलू इलाज पर क्वे एक बिमारी बार में लेख/निबंध लेखन छु। यो योजना में सब लोग भाग ल्ही सकनी, उमरक के प्रतिबंध न्हां। लेख मौलिक एवं अप्रकाशित हुण चैं। लेख  में शुरू या आंखिर में कांई लै आपण नाम झन लेखिया। लेख भेजण बखत दगाड़ में जो जो चिट्ठी भेजला उमें आपण नाम और लेख शीर्षक जरूर लेखि दिया। पुरस्कार योजना में एक लेख 30 सितंबर 2021 तक संपादक- ‘पहरू’ सुनारीनौला, अल्मोड़ा-263601 पत्त पर पुजि जा्ण चैं। प्राप्त लेखों बटी निर्णायक मंडल द्वारा तीन लेखों कें छांटी जा्ल और उनार लेखवारों कैं  समारोह में पुरस्कृत करी जा्ल और लेखों  कैं  ‘पहरू’ में छापी जा्ल। ●●●

05. हंसा भट्ट स्मृति कौतिक पर लेख लेखन पुरस्कार योजना

श्री देवकीनंदन भट्ट ‘मयंक’ से.नि. सीनियर इंस्पेक्टर (टैक्नीकल) सीमा सुरक्षा बल, निवासी-तीन पानी हल्द्वानी द्वारा आपणि घरवाई याद में दिई आर्थिक मधतल कुमाउनी भाषा में कौतिक पर लेख लेखन कें बढ़ावा दिनै लिजी ‘हंसा भट्ट स्मृति कौतिक पर लेख लेखन पुरस्कार योजना’ चलाई जनै। कुमाऊँ में जा्ग-जा्ग नान-ठुल म्याल-कौतिक लागते रौनी। क्वे लै एक कौतिक पर लेख/निबंध भेजन छ। यो योजना में सब लोग भाग ल्ही सकनी, उमरक के प्रतिबंध न्हां। कौतिक पर लेख अप्रकाशित एवं मौलिक हुण चैं। रचना में शुरू या आंखिर में कांई लै आपण नाम झन लेखिया। रचना भेजन बखत जो चिट्ठी भेजला, उमें आपण नाम और रचनाक शीर्षक लेखि दिया। कौतिक पर लेख 31 अगस्त, 2021 तक संपादक- ‘पहरू’ पत्त  पर  पुजि जा्ण चैं। प्राप्त रचनाओं बटी निर्णायक मंडल द्वारा तीन रचनाओं  कैं छांटी जा्ल और उनर लेखवारों कैं एक समारोह में पुरस्कृत करी जा्ल और लेखों  कैं  ‘पहरू’ में छापी जा्ल। ●●●

06. आनंदी राणा स्मृति कुमाउनी यात्रा वृतांत लेखन पुरस्कार योजना 

श्री पान सिंह राणा से.नि. शिक्षा अधिकारी, कठघरिया-हल्द्वानी द्वारा आपणि घरवाई याद में दिई आर्थिक मधतल कुमाउनी भाषा में यात्रा वृतांत लेखन कें प्रोत्साहित करनै लिजी ‘आनंदी राणा स्मृति कुमाउनी यात्रा वृतांत लेखन पुरस्कार योजना’ आयोजित करी जनै। यो योजना में सब लोग भाग ल्ही सकनी, उमरक के प्रतिबंध न्हां। यात्रा वृतांत मौलिक एवं अणछपी हुण चैं। यात्रा वृतांत में शुरू या आंखिर में कांई लै आपण नाम झन लेखिया। यात्रा वृतांत भेजण बखत दगाड़ में जो चिट्ठी भेजला उमें आपण यात्रा वृतांत शीर्षक जरूर लेखि दिया। पुरस्कार योजना में 1 यात्रावृतांत 31 जुलाई 2021 तक संपादक- ‘पहरू’ सुनारीनौला, अल्मोड़ा-263601 पत्त पर पुजि जा्ण चैं। प्राप्त यात्रा वृतांत आलेखों बटी निर्णायक मंडल द्वारा तीन आलेखों कें छांटी जा्ल और उन यात्रा वृतांत लेखकों कें समारोह में पुरस्कृत करी जा्ल और यात्रा वृतांत कैं ‘पहरू’ में छापी जा्ल। ●●●

07. भारतेन्दु निर्मल जोशी स्मृति कुमाउनी समालोचना लेखन पुरस्कार योजना

श्री जगदीश जोशी, से.नि. शिक्षक, भगवानपुर जयसिंह, हल्द्वानी द्वारा दिई मधतल कुमाउनी भाषा में ‘समालोचना’ बिधा में लेखन कें बढ़ावा दिनै लिजी ‘भारतेन्दु निर्मल जोशी स्मृति कुमाउनी समालोचना लेखन पुरस्कार योजना’ उरयाई जनै। यो योजना में क्वे लै भाग ल्ही सकनी, उमरक के प्रतिबंध न्हां। समालोचनात्मक लेख मौलिक एवं अणछपी हुण चैं। रचना में शुरू या आंखिर में कांई लै आपुण नाम झन लेखिया। रचना भेजन बखत जो चिट्ठी भेजला, उमें रचना व आपुण नाम लेखि दिया। समालोचना आलेख 30 सितंबर 2021 तक संपादक- ‘पहरू’ पत्त पर पुजि जा्ण चैनी। प्राप्त लेखों बटी निर्णायक मंडल द्वारा तीन छांट रचनाओं कैं छांटी जा्ल और उन रचनाकारों कैं समारोह में पुरस्कृत करी जा्ल और रचनाओं कैं ‘पहरू’ में छापी जा्ल। ●●●

08. बहादुर सिंह खनी स्मृति हास्य ब्यंग लेखन पुरस्कार योजना

श्री खुशालसिंह खनी, से.नि. शिक्षक, ग्राम नैनी, जागेश्वर, जिल्ला अल्मोड़ा द्वारा दिई आर्थिक मधतल कुमाउनी भाषा में ‘हास्य ब्यंग’ लेखन कें प्रोत्साहित करनै बढ़ावा दिनै लिजी ‘बहादुर सिंह खनी स्मृति हास्य ब्यंग लेखन पुरस्कार योजना’ उरयाई जनै। यो लेखन योजना में क्वे लै उमराक लेखवार भाग ल्ही सकनी। हरेक प्रतिभागी कैं एक ब्यंग लेख भेजन छ। ब्यंग मौलिक एवं अणछपी हुण चैं। ब्यंग में शुरू या आँखिर में कांई लै आपण नाम झन लेखिया। ब्यंग भेजण बखत दगाड़ में जो चिट्ठी भेजला उमें आपण रचना व आपुण नाम लेखि दिया। पुरस्कार योजना में एक ब्यंग रचना 30 सितंबर 2021 तक संपादक- ‘पहरू’ पत्त पर पुजि जा्ण चैं। प्राप्त ब्यंग रचनाओं बटी निर्णायक मंडल द्वारा तीन छांट रचनाओं कें छां्टी जाल और उन ब्यंग लेखवारों कें एक समारोह में पुरस्कृत करी जा्ल और ब्यंग ‘पहरू’ में छापी जा्ल। ●●●

09. इन्द्रसिंह रावत स्मृति कुमाउनी लोकगीत संकलन पुरस्कार योजना

‘इन्द्रसिंह/ आन सिंह सार्वजनिक न्यास’ झालडुंगरा अल्मोड़ाद्ध द्वारा दिई मधतल कुमाउनी भाषा में लोकगीत एकबट्यूनै लिजी ‘इन्द्र सिंह रावत स्मृति कुमाउनी लोकगीत संकलन पुरस्कार योजना’ आयोजित करी जनै। यो योजना में क्वे लै उमराक लेखवार भाग ल्ही सकनी। हरेक प्रतिभागी कैं पुरा्ण है पुरा्ण, आपण बखताक मशहूर कुमाउनी  झोड़ा, चांचरी, भ्वीन, छपेलि, गीत आदि बटी कम से कम 20 गीत एकबट्यै बेर 30 सितंबर 2021 तक भेजण छन। लोक गीत संपादक- ‘पहरू’ पत्त पर पुजि जा्ण चैनी। मिली लोकगीतों बटी निर्णायक मंडल द्वारा तीन संकलन कर्ताओं कैं छांटी जा्ल और उनूकैं समारोह में पुरस्कृत करी जा्ल और गीतों कैं ‘पहरू’ में छापी जा्ल। ●●●

10. शंकर लाल साह स्मृति कुमाउनी निबंध लेखन पुरस्कार योजना

श्रीमती चन्द्र प्रभा साह, अल्मोड़ा द्वारा दिई मधतल कुमाउनी भाषा में निबंध लेखन कें बढ़ावा दिनै लिजी ‘शंकर लाल साह स्मृति कुमाउनी निबंध लेखन पुरस्कार योजना’ उरयाई जनै। पहाड़कि कृषि, बागवानी, पशुपालन, भूमि चकबंदी, भूमि बंदोबस्त, पर्यावरण संरक्षण, बीज संरक्षण, जैव विविधता, जलवायु परिवर्तन, बनाग्नि, जंगली जानवरों द्वारा खेती कें नुकसान, पहाड़ाक गौंओं बै पलायन , बैज्ञानिक, साहित्यिक, सांस्कृतिक, राज्य, देश व बिश्व स्तरीय ज्वलंत समस्याओं आदि विषयों बै क्वे एक बिषय पर निबंध लेखन छ। यो लेखन योजना में क्वे लै उमराक लेखवार भाग ल्ही सकनी। हरेक प्रतिभागी कैं एक निबंध भेजन छ। निबंध मौलिक एवं अणछपी हुण चैं। रचना में शुरू या आंखिर में कांई लै आपुण नाम झन लेखिया। रचना भेजन बखत जो चिट्ठी भेजला, उमें रचनाक व आपुण नाम लेखि दिया। निबंध 30 सितंबर 2021 तक संपादक- ‘पहरू’ पत्त पर पुजि जा्ण चैनी। प्राप्त निबंधों बटी निर्णायक मंडल द्वारा तीन छांट निबंधों कैं छांटी जा्ल और उनार लेखवारों कैं समारोह में पुरस्कृत करी जा्ल और निबंधों कैं ‘पहरू ’में छापी जा्ल। ●●●

● य पत्त पर भेजण छन रचना-

संपादक
‘पहरू’
इंद्रसदन, सुनारीनौला, अल्मोड़ा-263601
उत्तराखंड 
● ईमेल- pahru.uttarakhanda@gmail.com

● लेखन योजनाओं बै जुड़ी सकर जानकारी लिजी 'पहरू' वटसप व मुबाइल नंबर पर संपर्क करी जै सकीं- 9412924897 

कुमाउनी भाषा बिकासक य मुहिम में आपूं 'पहरू' दगै शोसल मीडिया में लै जुड़ि सकछा- 

● 'पहरू ' इंस्टाग्राम लिंक-

● 'पहरू' फेसबुक पेज लिंक-

● 'पहरू' फेसबुक ग्रुप लिंक- 

● 'पहरू' ट्विटर लिंक-